२५ पुस, काठमाडौं । काठमाडौंबाट त्यती टाढाको गन्तव्य होइन, बेथानचोक । थोरै यात्रा छिचोल्नसाथ यो मनोहर स्थल पुग्न सकिन्छ । तर, त्यहाँसम्म पुग्ने मेलोमेसो मिलिरहेको थिएन ।
काठमाडौंको उकुसमुकुसबाट उम्किएर आसपासका खुला ठाउँमा विचरण गर्ने रहर भने मनभित्रै दबिएको थियो । एकपटक सथीहरुसँग कुरैकुरामा बेथानचोक जाने प्रस्ताव राखियो । साथीहरुले यो प्रस्तावलाई सर्वसम्मतबाट सहर्ष अनुमोदन गरिदिए । त्यसपछि हामी काठमाडौं छाड्न तयार भयौं ।
हामी त्यो थुम्कीमा पुग्यौं र रात गुजार्यौं । जब पूर्वी क्षितिजमा घामको लाली चढ्यो, हाम्रो क्यामेराको लेन्स त्यतैतिर सोझियो । अन्ततः हामीले त्यो अनमोल दृश्यलाई आफ्नो क्यामेरामा कैद गर्न छुटाएनौं ।
हुन त काठमाडौंबाट बेथानचोक पुग्नेहरु सोही बिहान पुगेर फर्कने रहेछन् । हामी भने एक रात बस्ने बन्दोबस्तीसहित पुगेका थियौं ।
